طريقة الحصول على فيزا دولة التشيك من العراق

 فيزا دولة التشيك 🇨🇿

الي سئلتوني عليها الي نشر عنها الخال ياسر!

على اساس فيزا بدون لغة بدون كشف حساب مصرفي بدون خبرة عمل بدون شهادة دراسية بدون تامين صحي بس هيج تاخذ جوازك وتروح! 

هل هذا الكلام بي اي صحة؟ 

اكو كلام صحيح واكو كلام خظأ

الفيزا تحتاج كشف حساب مصرفي وتامين صحي! 

صح ما تحتاج لغة وما تحتاج خبرة عمل ولا شهادة دراسية

الفيزا اسمها zinvo visa او freelancer visa

هاي الفيزا ينطوها اذا مثلاً انت تريد تروح للتشيك تفتح مطعم اسواق كوفي الاخ... 

يعني هاي الفيزا ما يحقلك تشتغل بيها فقط تستثمر داخل البلد!

زين دولة التشيك وين صايرة؟ صاير بين بولندا والمانيا وعدها حدود وي النمسا وسلوفاكيا !

دولة اتحاد اوربي وشينغن ودبلن! 

لغتهم التشيكي واكو قرى تحجي الماني! 

الاوراق الي تحتاجها! 

اولاً لازم عندك جواز سفر ساري المفعول ! 

ثانياً لازم تملي الاستمارة مال فيزا zinvo منين تحصل على الاستمارة؟ لازم تراسل السفارة التشيك ببغداد 

👇👇👇البريد مالتهم 👇👇👇

baghdad@embassy.mzv.cz

ثالثاً لازم تفتح رقم ضريبي بدولة التشيك ايضاً تراسل السفارة ببغداد بخصوص هل الامر! وهمه ايضاً يدزولك استمارة الطلب وتمليها! 

رابعاً لازم عندك كشف حساب مصرفي بي اقل شيء 5000 دولار! ويكون مار عليه اكثر من 6 اشهر بالزايد!

خامساً لازم عندك شهادة عدم محكومية + شهادة خلو امراض

سادساً لازم عندك تامين صحي تطلعه من اي مكتب تامين بالعراق! 

سابعاً لازم عندك اثبات بالتشيك تكدر تسوي عن طريق برنامج booking او airbnb الاخ...

بالمقابلة مال السفارة لازم تثبتلهم ان انت صدك رايح تستثمر بدولة التشيك وعندك خطة استثمارية الاخ...