ما هو ال feepdake ؟ و لماذا هي تقنية خطيرة جدا

 

قبل فترة شفت كلمة ممارة علية قبل وهي feepdake وكانت معروضة كخدمة فأستغربت منها وتصورت مكتوبة بشكل خاطأ والمقصود منها deepfake بس فضولي منعني من انو اتجاوزها،
فقررت ابحث عنها وتفاجئت من النتائج واول مرة اشوف عمل فديو اباحي بتقنية deepfake والاسعار مو منطقية يعني فديو مدته 5 دقايق ب $30 تقريباً!!!
وكل المطلوب منك ترسللهم صورة لوجه الشخص اللي تريده بالفديو ( المصدر Voice عنوان المقال : I Paid $30 to Create a Deepfake Po._#rn of Myself) وهاي كانت بدايتها ب 2019.
بس قبل كم شهر تطور الموضوع بشكل كلش كبير وصار يقدم كخدمة بسعر كلش قليل لان الحاسبه هي اللي تنتج الفديو مو الانسان يكعد ويعدل ويمنتج الفديو وصار الفديو اللي تنتجه التقنية صعب التفرقة بيه اذا كان حقيقي او مزيف وبوقت قليل تنتجه ولهذا تدخلت الانتربول واليوروبول حتى يسدون هذا الموقع، هذا يعني هي مسالة وقت حتى ترجع وتنتشر بكثرة لدرجة المواقع الاباحية بدت ترفع محتوى من هذا النواع بأستخدام وجوه الممثليين ودتحصل نتائج عالية فلهذا السبب بدأ العالم بعمل حملات توعية وتحذير لان متأكدين من عودتها.

فهسه بالاشهر الفاتت بدأ العالم ينشرون اخبار توعوية على الموضوع لان تكررت حالات بنات/ولد شافوا فديو اباحي مرفوع عنهم بالمواقع الاباحية وهم ممصوريها وديشوفون وجوهم بس مو اجسامهم وبسبب دقة التقنية صعب معرفة اذا كان الفديو مزيف او حقيقي, ووحدة من اكثر المقالات اللي تناولت الخبر بشكل موسع هي MIT نفسهم ناشرين مقال بموقعهم عن الموضوع بالشهر التاسع من عام 2021 (عنوان المقال : A horrifying new AI app swaps women into po&@.rn videos with a click)

ولابد من الاشارة انو هاي الشروط التي تم ذكرها بالصور، ممكن تتغير ويقبل الصور بجميع احوالها بالاعتماد على تطور الخوارزمية بالمستقبل القريب...
بالنهاية اتمنى تصير توعية عن الموضوع خصوصاً احنا عايشين بالعراق وميخفى على احد التخلف المجتمعي اللي احنا عايشين بيه مع وجود المئات من المريضين نفسياً واللي يبتزون البنات يومياً وشكد عدد اللي حيتضررون من الموضوع هذا، سواء كان ق*ل بحجة غسل العار او الانت*ار حتى متعيش بمجمتع يحملها خطأ هي ما ارتكبته.