اختصاصات لدراسة الماجستير في امريكا بمعدل قليل

مرحبا 

خريجين العراق من البكلوريوس اذا حابين يدرسون اختصاصات  ومعدلهم اقل من ٧٠٪؜ ، شيسوون؟ 

شركتنا تحصل قبولات جامعية للبكلوريوس والماستر  للاشخاص خارج وداخل امريكا. عدنا فرع بارييل، امريكا، وكندا. 

هو اغلب برامج الماستر تطلب بتخصص علمي اللي هو ٧٠٪؜  

2.5 ويساوي بالGPA 

البرامج اللي ممكن تطلب معدل اقل من -٧٠- ٧٥ 

خريجين الطب، الصيدلة، الاسنان ، التمريض، البايولوجي ، الكيمياء ، التحليلات و و الخ من البكلوريوس 

ممكن يدرسون اختصاصات مثل

Public Health الصحة العامة 

Global Health 

Health informatics 

Health Administration 

ادارة المستشفيات او العيادات  

هاي اختصاصات الها علاقة بالنظام الصحي ، بيها اشغال. 

خريجين الهندسة باختصاصات مثل 

Construction Management

Project Management 

ادارة المشاريع 

‏ MBA 

Master’s of Business Administration ماجستير ادارة الاعمال  

اي شخص ممكن يدرس اختصاص ادارة الاعمال واكو MBA بيها تركيز على ادارة المستشفيات ، ادارة العيادات ، ادارة المشاريع الهندسية ، المحاسبة ، اكو ادارة مشاريع عامة. 

اكو شي اسمه Conditional Admission : 

هذا قبول مشروط ، الطلاب اللي معدلهم قليل ، او ما عندهم لغة 

يحصلون قبول بشرط انه يدرسون عدد دروس معين يثبتون كفائتهم العلمية و يجيبون درجات زينة مرات درسين مرات ٣ على حسب التخصص والجامعة ، ورا ميكملوهم يباشرون بالبرنامج مال ماستر مالتهم. 

اكو اختصاصات علمية محددة تطلب امتحانات GRE اكو تطلب امتحانات GMAT ، ف ممكن اذا شخص معدله قليل و درجته بالامتحانات المطلوبة عالي يحصل قبول. 

امتحان التوفل بعض الجامعات اللي عنده جنسية امريكية ممكن ينعفي منه. 

اذا شخص مقيم بامريكا وبباله اختصاص علمي محدد غير اللي انذكروا فوك  ف ممكن يعيد بعض الدروس بالكوميونتي كولج على حسابه لغرض تحسين المعدل ، و بعدها يقدم. 

——

بامريكا كل كلية عندها نظام خاص بيها ، يعني ممكن كلية حكومية متقبلك بينما كلية خاصة ممكن تقبلك و العكس صحيح، كل كلية الها شروطها و متطلباتها الخاصة. 

وكل كلية الها مصاريفها الخاصة. 

الماستر مو مجاني بامريكا ، اما شخص يحصل مشرف يسوي بحث يمه بالتخصصات اللي بيها Thesis ف يحصل دعم مادي وشغل. 

او يحصل منحة مثل فل برايت Fulbright 

او يدفع من جيبه كاش (اللي يريدون فيزا دراسية بالعادة لازم عندهم كشف حساب ٢٥ الف دولار امريكي) 

او اذا مقيم او عنده جنسية بداخل امريكا : ممكن اما شركته تدفعله جزء من المصاريف ، او ياخذ قرض. 

شنو عندكم اسئلة؟

الكاتب الاصلي : غيدا احمد