ما هو التأمين الصحي في امريكا و ماذا يشمل ؟

مرحبا 

التأمين الطبي بأمريكا 

Medical Insurance 

التأمين الطبي بامريكا نظام مختلف عن العالم كله، بامريكا النظام for profit يعني الفلوس عامل مهم بالتأمين. 

بامريكا زيارة الطبيب و الادوية و غيره مو مجانية ، و غالية جداً ، اغلى دولة بالعالم بيها العلاج و السبب التقنيات الحديثة، و انه شركات التأمين الطبي الها دور بقرارات هواية صحية(اكو فساد كبير جداً بنظام الشركات مال تأمين) 

—-

Medicaid 

ميدكيد. 

هذا برنامج مدعوم لاصحاب الدخل المحدود

كل ولاية عندها مبلغ دخل محدد اذا الشخص عبره ميستحق التأمين الطبي. وايضاً بعض الاشخاص اللي عندهم امراض مزمنة. 

اذا بيت بيه كذا نفر ف اكو chart بيه المبلغ السنوي والشهري اللي العائلة  لازم تسويه.

طبعاً اصحاب الدخل المتوسط بهواية ولايات ميستحقون هذا البرنامج. 

بهواية ولايات لازم الشخص عنده اما كرين كارد او جنسية حتى يستحق هالتأمين. 

الاشخاص اللي عمرهم ٦٥+ وفوك يستحقون التقديم على برنامج الMedicare ، ميدكير. 

هذولة البرنامجين بالعادة يغطون ادوية مهمة مثل ادوية الضغط والسكر و غيره مجاناً ، عمليات، روحات مستشفى، الخ. 

يوفرون خدمات ترجمة، و توصيل للمرضى. بس مشكلة هذولة البرنامجين المواعيد مال اخصائيين مرات هواية تكون بعيدة ، يعني ممكن واحد رجله مكسورة حتى يتحول لاخصائي تطول شهر او اسبوعين. مرات هواية ميغطي الاسنان والعيون (على حسب الولاية) 

بس بشكل عام برنامجين زينات. 

—-

اكو اوبشن Employer Based Medical Insurance  

هذا بالعادة الشركات الكبيرة اللي بيها اكثر من ١٠٠ موظف تنطي اشتراك بتأمين طبي 

والشخص لازم يدفع عليه شهرياً ، اكو يدفع الشخص مثلاً ١٠٠$ واكو يدفع ٥٠٠$ شهرياً ، على حسب الشركة وشمختارين شركة تأمين والخطة اللي مختاريها. اكو شركة تنطي تأمين طبي ويدفعون ٨٠٪؜ من الدفعة الشهرية والباقي على الموظف. 

بس اكو شغلات لازم يدفعها الشخص 

اكو copay هذا مبلغ يدفعه الشخص من يشتري الدواء. 

اكو مبلغ يندفع عند زيارة الطبيب 

يعني مو بس يدفع الدفعة الشهرية وهاي هي. 

واكو اوبشن انه واحد يشتري انشورنز خاص بيه من جيبه بدون شركة او اي شي وهالشي غالي نوعاً ما. 

عندكم تامين طبي؟ شنو عندكم اسئلة؟ 

ناوية اسوي بوست منفصل عن المصطلحات المستخدمة ومعناها بالعربي، شتكولون؟

الكاتب : غيدا احمد