كل ما تريد معرفته عن قسم هندسة الطب الحياتي في العراق
سنتكلم باختصار عن قسم هندسة الطب الحياتي هذا القسم المبهم و الغير معروف عند الكثيريين .
اولا اريد ان اقول انه اذا كنت تحب الهندسة فقدم على هذا القسم لانه كلش حلو
بس دراسته صعبة خصوصا بالخوارزمي ،، بالنهرين اسهل و بالتكنلوجية اسهل من الثنين السابقة
هندسة الطب الحياتي
الدراسة ٥ سنوات و المفروض خلالها تدرس كهرباء و الكترونيك و تشريح (بس مبسط) و بايوميكانكس (من اسمها واضح شنو هي وابحثها بالنت حتى تفتهم هالفيلد اكثر) و ال imaging (هسة انت مدتعرف شنو يعني امجنك ف ابحثها بالنت وشوف.. بس هو فد شي كلش متقدم) و الاطراف الصناعية والاجهزة الطبية وبعض الاحيان ياخذون كورسات ليزر .. وكورسات biomaterials هم المفروض*
البايو ماتريالز هي على سبيل المثال .. الصمامات القلبية الصناعية او الكلى الصناعية او اي material تتداخل بعملها وية جسم الانسان (حتى حشوات الاسنان مثلا)
فالاختصاص هذا باختصار هو ربط بين الجمادات و الآلات و علاقتها و تداخلها وية جسم الانسان
شخصيا اعتبر هذا التخصص حيل advanced وفائدته تظهر لمن تشتغل ك researcher بي .. اما الشغل العملي بالواقع فحيخلوك على الأجهزة الطبية يا صيانة يا مندبة .. الخ بالنسبة للقطاع الخاص*
وبالنسبة للتعيين الحكومي مو مركزي ابداً اخر دفعة تعينت من هذا القسم سنة ٢٠١٨ (جان عدد الخريجين قليل وتعينوا كلهم .. هسة كام يتضاعف بشكل مخيف ف انسى التعيين الحكومي على وزارة الصحة بعد ٥ سنوات)
* كلمة المفروض الي استخدمتها .. لان الكورسات تتباين من جامعة لجامعة ف انت اطلّع على المواد من خلال مواقع الجامعات ع النت
*الرواتب بالنسبة للقطااع الخاص مال الاجهزة الطبية ترة حلوة يعني بيها خوش ضربة
وبالنهاية رأي شخصي ومختصر مفيد : هذا القسم يسوة ومن احلى اقسام الهندسة .. و قمة فائدته هي مثل ما ذكرت .. لمن تكنل دراسات عليا وتصير باحث (researcher ) لان البحث بهذا الفيلد خرافي.
هل التعيين مركزي في هندسة الطب الحياتي
اولا تعيينات هذا القسم غير مركزية لكنهم يتعيننون بسهولة و بعد ينة او سنتيين من تخرجهم , فكما قلت مابي تعيين مركزي انما انضاف ويه العلوميين حيب قانون ٦ لسنه ٢٠٠٠ صار الهم جزء تحدده الوزاره من درجات التعيين المركزي علئ ان يكون مو اقل من ١٠٪ , للتءكير هذا القسم يقبل خريجي التطبيقي و الاحيائي .
تعديل : اما قسم الاجهزة الطبية فهو فرع فقط وجانب واحد من جوانب الطب الحياتي يختص بالاجهزة .
الجامعات التي تحوي على قسم الطب الحياتي
الكليات الحكومية /
جامعة بابل
جامعة النهريين
جامعة بغداد
جامعة كربلاء
جامعة ذي قار
الجامعة التكنولوجية
جامعة الخوارزمي
الكليات الاهلية / كلية المستقپل الجامعة
وجامعة وارث الانبياء هم بيها هندسة طب حياتي
ردحذفبعيدا عن الموضوع ياخي الاخطاء الاملائيه كثيره
ردحذفليست اخطاء إملائية وإنما خطأ مطبعي
حذفاريد نصيحة
ردحذفهلقسم اذا داومت بي زين؟ وشكد لمده ﭑڪدݛ اشتغل واتعيين؟