ما هي المواد الدراسية في طب الاسنان مرحلة ثالثة ؟
اليوم راح نتكلم عن المرحلة الثالثة في طب الاسنان و كما تلقب ب*مقبرة الأسنان * و ما هي المواد الدراسية المطلوبة في هذه المرحلة و اهم مصادر الدراسة . و في الاخر هتكلم عن رأيي عن صعوبة هذه المرحلة .
♦️اول شي هحجيلكم عن مواد الي تاخذوها خلال هل سنة ♦️.
مواد طب اسنان مرحلة ثالثة
🔹معالجة الأسنان (operative ) راح درسون بيها طريقة عمل الحشوات والعملي والنضري الي بيها كلش مهم
🔸حاول تتوسع بيها وتدرب هواي تفيدك مستقبلا كلش
🔹صناعة الأسنان (prosthodontics) تقريبا نفس فكرة مرحلة الثانية بس هدرسون النظري الكروم كوبلت بارشل دنچر وعملي بجامعة الكوفه الاكريلك بارشل دنچر
🔹جراحة الفم (oral surgery) مواضيعها مهمة حاولو تدرسوها بشكل عملي و تفهمون محاظرات clinically معلومات تفيد بلعيادات
🔹اشعة الأسنان (dental radiology) هاي صراحه كلش مهمه وحلوه وسهله نظري مالتها كون كله ينفهم راح تفيدك مستقبلا بلكيسات وتشخيص وراح تتعرف ع امراض عديده وكيسات تخلي عدك خلفية عن مواضيع عده
🔹طب المجتمع ( community ) ممكن من تشوفه تحسه مادة درخيه وممله بس من تقراه وتفهمة راح تحس معلومات قيمة بطب الاسنان ركز ع محاظرات الي تحتوي معلومات عن صحة الفم والوقاية وغيرها واخذ معلومة تفيدك حتى لو بشكل مبسط علمود تضل ببالك ومتنسي
🔹امراض عامة (pathology ) راح تتناولون العديد من امراض الي بجسم بشكل عام راح تفيدكم كمعلومات لان طبيب الاسنان لازم يعرف معلومه عن كل شي وكل شيء عن ختصاصه بيها عملي كذلك كيسات وسلايدات يردالها قرايه ومرتبطه بمواد سابقة بمراحل سابقة
🔹احياء مجهرية (microbiology) من اسمة تعرفون شراح درسون بس حلو بي محاظرات كامله عن شون تسوس يصير ومنو مسؤل عنه ذني ركزو بيهن يفيدن كلش
🔹واخيرا الادوية (pharmacology) والسبب للتسمية مقبرة هي هل مادة هههه لان دكاترة يعقدوها ويخلوك تلتهي بيها وتعوف مواد بقية رغم اهميتها فائقه الى انو مو الاهم بهل مرحلة واذا تقيسها كطبيب اسنان فحتى الادوية المتعلقة بطب الاسنان المذكوره بيها اقل من ٢٠%
يعني كنصيحة اقراها علمود تقديراتك وافهم اغلب ادويه وطريقة عملهن بس لتنهي وقت بيها وتنسى المواد الثانية وطبعا ماكلك لتطيها حقها بلعكس ادرسها وافهمها لان لازم تكون عدك فكرة عن ال pharmacology
◾️🔸واخر شي برأيي ان المرحلة الثالثة هي مقبرة طب الأسنان لانها المرحلة التي سوف تفتح افاقك نحو طب الأسنان ابتعد عن اي شخص يعطيك افكار سلبية او يخيفك من هذه المرحلة الدراسية . هي حياتك بطب الأسنان ابني معلوماتك بشكل صح الأساس اهم شي
ادوات طب اسنان مرحلة ثالثة
- Insturment of dagnosis ( prch +mirror +twiser)
- Cement slap +... Cement spatula
- Band +... Retainer
- Amalgam isturment (condenser +.. Carver.. +purnisher+... Ash)
- Amalgam carnier +... Jar
- هاي المواد ماده الاوبرتف فقط النحتاجه ب المختبر خاف مواضحه ب الصور كتبته مالت واحد مستعجل خاف عالسلي حرف عادي ☺️☺️☺️
اسف على اطالة و هاي مو كل حجي راح احجيلكم في مشاركة اخرى لاحقا .
تعليقات
إرسال تعليق