منحة الfull bright : منحة مجانية للعراقيين للدراسة في امريكا
مرحبا ايها الاصدقاء، اهلا بكم هنا في موقعنا الشذى نت سنتحظث معكم اليوم عن واحدة من اهم المنح المجانية المقدمة من الحكومة الأمريكية او السفارة الامريكية الى الشعب العراقي الهادفة الى تطوير قدرات الشعب العراقي العلمية و إخراج جيل عراقي جديد قادر على بناء امته بأيادي و سواعد أبناء جلدته و يدخل هءا ضمن إلتزام الحكومية في الاتفاق الاستراتيجي مع جمهورية العراقية ، لذا تقدم الولايات المتحدة فرص للطلبة العراقيين من اثبتوا قدراتهم للحصول على منحة مجانية ( فول برايت ) لإكمال دراستهم في ارقى الجامعات الأمريكية شاملة السكن و راتب شهري للفائز بالمنحة . يرجى الملاحضة ان الفائزيين بالمنحة هم عدد محدود و ليس كل من يقدم سينجح لذا حاول ان تكتب بروية و بهدوء و ان تبرهن على قدراتك و افضليتك .
منحة الfull bright الفل برايت لخريجين البكلوريوس من العراق
منحة مدعومة بشكل كامل.
تشمل تكاليف الدراسة + المعيشة مال طالب اثناء دراستة بامريكا.
مو الكل راح يحصلها لان عليها منافسة ، و تحتاج طالب مُطلع و نوعاً ما مُميز ، و ضابط اللغة الانجليزية.
شروط منحة فولبرايت
•لازم الشخص يكون جنسيته عراقية و مُقيم بالعراق و من يخلص دراسة يرجع للعراق.
• يجب ان المقدم على المنحة حاصل على شهادة مجاستير في أي مادة علمية.
• يجب على المقدم ان يكون صاحب خبرة ضمن اختصاصه سواء كموضف حكومي او موضف قطاع خاص و هذا يجب ان يساعدك ايظا في كتابة المقالات حيث انك قريب من الإختصاص و تغرف المشاكل و التحديات التي يواجهها
•يجب ان تكون انكليزتك قوية advanced و بالطبع انت لن تقول لهم ان انكليزتك قوية و انتهى الموضوع هههه نحن لا نلعب هنا حبيب يجب عليك اثبات هذا الشيء باختبار التوفل Tofel . مطلوب امتحان IBT tofel و ايظا امتحان GRE مطلوب من نسبة من الجامعات والاختصاصات ساكتب مقال فستقبلا اشرح فيه عن هذا الامتحان .
• عندكم شي اسمه Reference ، واللي هم اشخاص عندكم علاقة طيبة بيهم مثلاً اساتذة ، او احد اشتغلتوا وياه ، حتى يكول انه اي انتوا خوش طلاب و عندكم work ethics زينة و شطار الى حد ما.
•الشخص يكتب بنفسه Personal Statement : شارحة قبل يعني شنو و شلون تكتبوها و بالتعليقات راح اخلي نُبذة.
ما المفروض تنقلون شي من النت.
• Research Objective
تحجون انه شلون راح يفيدكم دراسة الماجستير بانه تخلون البلد افضل او اهدافكم الشخصية
نحاول نركز على اشياء ايجابية للمجتمع نبتعد عن فكرة انه اذا اخذنا ماستر من امريكا راح يزيد راتبنا او هيج امور
بينما شلون المجتمع راح يستفاد من اللي انتوا تدرسوه
منحة مجانية للدراسة في امريكا للعراقيين
الخطوات شنو؟
البروسس يطول بحدود سنتين تقريباً قبل متسافرون
الافضل انه اذا تكدرون تاخذون امتحان توفل قبل متقدمون حتى تعرفون انه شلون مستواكم واذا يحتاج تقوية تعيدوه.
•ابلكيشن اونلاين تنفتح بحدود ٣ اشهر بين شهر ال٢ لل٥
•تسوون مُقابلة بالسفارة الامريكية
اذا نجحتوا
تستمرون بالخطوات اللي وراها
•تمتحنون امتحانات مثل GRE و TOFEL
و تقديم على الجامعات الامريكية ، انتوا تقدمون لبرامج ماجستير، كل جامعة شروطها شكل.
ف يُفضلون تسوون لستة ، يفتحولكم الابلكيشن بهاي الجامعات.
الجامعات الامريكية بالبكلوريوس تحتاج مُعدل معقول و تحتاج امتحان توفل ، و بعضهم تحتاج GRE.
يُفضل اختصاص اله علاقة بمجالكم مال بكلوريوس
عندكم اسئلة .
رابط التقديم على منحة فلبرايت
كاتب المقالة الاصلي هو الست غيد احمد -Gheed Ahmad و أقترح عليكم متابعة حسابها على الفيسبوك و الانستغرام و اليوتيوب فهو حقا مفيد خصوصا للعراقيين الراغبيين في اكمال دراستهم في الولايات المتحدة الأمريكية او الطلبة العراقيين الساكنيين في الولايات المتحدة نفسها و يرغبون في المصول على نصائح و إرشادات مجانية بالكامل .
حسابها على الانستاغرام : @gheeda1997
او صفحتها على الفيسبوك ابحث عن ( غيد احمد -Gheed Ahmad )
تعليقات
إرسال تعليق