ما هي المواد التي يتم دراستها في طب الأسنان مرحلة اولى سنة اولى

 المرحلة الأولى من كلية طب الاسنان  dental college مرحلة سهلة وحلوة، م تحتاج هواي دراسة بس تحتاج ترجمة هواي، تگعد تترجم كلمات أكثر مما تقرأ و هذا الشيء طبيعي جدا يا اصدقائي ، يعني الطالب اتى الى كلية طب الاسنان ليصبح طبيب اسنان  من مرحلة يغلب على دراساتها ان تكون دراسة عربي إلى دراسة كلها لغة إنكليزية، فمن الطبيعي ان يواجه الطالب صعوبة ، بس هالصعوبة تبدأ تقل مع الوقت بمجرد ان يصير لديك رصيد كلمات.  (التطبيقات الي تستخدموهن بالترجمة هنّ هواي لكن أكثرهن إستخدامًا هو Google Translate و Dict Box والقاموس الطبّي وإلخ ..) 

طب اسنان مرحلة اولى dental 

ملاحظة: يوجد الكثير من كلمات التي لا يوجد لها ترجمة و تكون ترجمتها الحرفية خاطئه لذلك لازم تحفظوها بالإنگليزي (خصوصًا بالتشريح العام human anatomy ). 

ملاحظة: قبل ان أبدء  أوضح ما هيه  المواد الي سوف تدرسوها، فـ النظام يختلف من جامعة لجامعة، أكو كورسات وأكو نظام فصلي وأكو نظام جديد إسمه مقررات وأكو مواد من الي راح أذكرهن ممكن م تاخذوهن بالمرحلة الأولى، إلخ.. بس هاي بشكل عام.

بالمرحلة الأولى الي عليها 5% من المعدل التراكمي، راح تدرسون العلوم الأساسية، الي هي: 

مواد طب الاسنان مرحلة اولى

1- تشريح عام - General Human Anatomy:

من بعد تشريح الأسنان هاي المادة جدًا مهمة وبيها صعوبة شوي، راح تدرسون بيها الأعصاب الي بالوجه وشنو وظائفهن وهنّ كلّش مهمات، وتدرسون  بيها عظام الوجه (عظام الجمجمة بشكل عام) والإتجاهات، يعني تأخذون فكرة عن العظام والأعصاب الي بالوجه.. مادة تعتمد دراستها على القراءة الصورية والتخيل لمكان العظم.. وحول هالشيء يتمحور تقريبًا التشريح مال المرحلة الأولى، وضروري تفهموا عدل لأن بالمرحلة الثانية تأخذون تشريح تحتاجون بي معلومات المرحلة الأولى.. 

ملاحظة: تگدرون تحملون تطبيق (Skull Atlas) حتى تتعرفون على عضام الجمجمة والوجه أو تطبيق (Human Anatomy Atlas 2020) هالتطبيق بي شغلات هواي وكلّش مفيد أنصحكم تحملوه.

2- فيزياء طبية - Medical physics:

3- كيمياء طبية - Medical chemistry:

4- أحياء طبية - Medical Biology:

هالـ3 مواد درجة الصعوبة بيهم من سهلة إلى متوسطة، الطالب يدرس بيهم معلومات سبق و ماخذها  "أغلبها " يعني مجرد معلومات تحولت من عربي إلى إنگليزي. 

5-مصطلحات طبية - Medical terminology:

مادة جدًا مهمة راح تدرسون بيها مجموعة من الكلمات والإضافات.. مادة تعتمد على حفظ و ويّ الوقت تصير جدًا سهلة.. مثلًا معدة stomach باللاتيني gastric من تريد تگول إلتهاب معدة تضيف itis إلى كلمة gastric فتصير gastritis تعني إلتهاب معدة.. وكله تقريبًا على نفس النمط.. ممكن الإضافات تكون ببداية الكلمة وممكن بنهايتها. وهاي الكلمات والإضافات تبقى تستخدمها لحد ما لا نهاية، يعني تحتاجها دائمًا بمهنة طب الأسنان. 

 6- حاسوب - Computer: الي عنده معلومات ويعرف يستخدم الـ Word وتطبيقات مايكروسوفت ماراح يواجه بي أي صعوبة لأن كلّش سهل.

7- حقوق الإنسان: مادة كلها عربي وحفظ وچذب.

8- اللغة الإنجليزية - English Language:

9- اللغة العربية:

مادتين سهلات راح تاخذون بيهن أشياء ماخذيها قبل م يحتاج أحچي عنهن أكثر.

بالإضافة إلى مادة وحدة تخص الأسنان الي هي:

10-  تشريح الأسنان - Dental Anatomy:

أهم مادة بطب الأسنان كله وأساس طب الأسنان، من خلال هاي المادة راح يتعرف الطالب على عدد وأسماء وأشكال وصفات وخصائص الأسنان.. مادة أفضل طريقة لدراستها هي تقرأ ع الرسم، إذا قريت ع الرسم وتخيلت الشكل فـ بسهولة تكدر تجاوب ع أي سؤال ممكن ينطرح حولها.. الرسم كلّش مهم بهالمادة وكلّش يساعدكم بالنحت (الجانب العملي من تشريح الأسنان)  وبالمراحل المتقدمة كل ماكنت حافظ التشريح بشكل جيد كلما كانت المواد سهلة عليك.

ملاحظة: تگدرون تحملون تطبيق Dental lite حتى تتعرفون ع الأسنان شكلها وإسمها وعددها (تطبيق بسيط لكن مفيد).

مواد طب الاسنان مرحلة اولى 

راح انطيكم معلومات شلون تقرون كل مادة، الدينتل تنقري حفظ بعض المعلومات وفهم، أكثر شي يعتمد عليها حفظ شنو مثلًا تعاريف بسيطة معلومات تجي فراغات أحيانًا ومقارنهدة بين الأسنان.

الكيمياء تنقري فهم + حفظ، الكيمياء يجي بيها شرح تعاريف تعداد فراغات مقارنات وتبقى حسب دكتوركم إنتبهوا عليه بالشرح وشوفوا شيگول إلكم على الأسئلة شنو نمطها، والفهم أسئلته عبارة عن (Mcq فهمية + مسائل).

الفيزياء فقط فهم  (مسائل + mcq فهمية من الشرح).

البايو فهم + حفظ + رسم أيضًا حفظ، وأغلبيته ماخذي بالمراحل السابقة

التشريح والمصطلحات تختلف من دكتور إلى آخر، أكو نمط أسئلتهم فقط mcq وأكو يدخلون شرح وتعداد.

شلون تگدرون تجتازون هالمرحلة بكل سلاسة، بكل بساطة بالقراءة اليومية الي كلّش تفيد، فمن تجون تقرون بيوم الإمتحان راح تلگون نفسكم حافظيها وفاهميها للمادة، مجرد مراجعة. 

أما إذا لم تكن تواضب على قرائتها بشكل يومي و انت أساسًا ما مترجمها و ليس لديك رصيد كلمات، فاتوقع ان المادة سوف تكون صعبة و تأخذ منك الكثير من وقت..